Ang katuparan

 Ito na po ang katuparan ng naunsyami kong tula noong huling lathalain, eheh..yahhhooooo


"Bukas Isipan"

Sa araw araw na aking paglalakbay
Iba't ibang tao aking nakakasabay
papunta sa kani kanilang patutunguhan
sa opisina, sa eskwela o kung saan man.

Sa bawat araw na kanilang pinupuno
nang mga gawaing kanilang gusto
sisimulan at magtatapos nang naayon
upang sa huli ay wagas na magkalayon.

Subalit nawa'y sa gitna ng mga gawain
atin din mapansin ang mga kapatid natin
na tila sinukluban ng langit at lupa
di man nila nais, subalit di mga pinagpala.

Huwag tayong magbulag bulagan
sa tunay na kalagayan ng ating bayan
bawat isa lamang ang ating magiging lakas
kaya't wag kang magdamot at magdahas.

Sa mapaglarong pagbalasa ng panahon
Ang mga nasa langit ay maaring maging nasa lupa
at ang nasa lupa ay maaring maging nasa langit.

Sadyang walang nakakaalam ng ating kapalaran
Anu mang pilit nang ating isipan,
Basta pananalig at tiwala ang syang maging sandata
At ang Puong may gawa ang SYA ng magdidikta.



Ito po ay masusundan.
Muli, Salamat



itsmejackie c",)