Ang karugtong

Ito na ang karugtong ng aking huling lathalain, at tulad nang aking sinabi babalitaan ko kayo tungkol sa magiging resulta nang aking paghahanap ng trabaho at ha ha tayo ay pinagpala naka swerte at si Jac ay may trabaho na... daraaaannnnn!! eheh. Nung Nakaraang huwebes ay akin nang minarkahan nang aking lagda ang mga papel na naglalaman ng mga kasunduan sa bagong trabaho, sana lang ay maging maayos at maganda naman ito. Kaya wish me Luck! At naku ha ang mga kasamahan sa pag-akyat ay nakapag-pareserve na nang libre, pero sige okay lang hintay hintay lang kayo darating din tayo dyan.

Sa ibang usapan, ito ay tungkol sa proyekto ng aming grupo na TAGOT o TAGALOG OUTDOOR TRIBE isa itong samahan ng mga mamumundok na naglalayong sa pag-akyat ng mga kabundukan ay makapag-iwan ng magandang sisidlan. Sa ngayon ang grupo ay may planong mag-outreach program sa barangay ng Sta. Inez sa Tanay Rizal kasama ang mga local ng lugar na mga dumagat. Ito na ang ikalawang taon ng proyektong ito, may naisulat akong lathalain tungkol dito na maaring mo ring basahin balikan mo na lang ang, August 2012, maliit man ito subalit ito ay puno ng puso at pagmamahal.

Akyat para sa Dumagat ang naging tema ng nasabing proyekto, ito ay 3 araw na gawain May 25-27, 2013. Ang unang araw ay nakalaan para sa pakikipag salamuha sa mga Dumagat, magpapakain, mag-papalaro, magpoprograma, pagkatapos ay mamamahagi ng mga "give away" bilang isang maliit na paraan upang mapasaya namin ang ating mga kapatid sa Sta. Inez. Ang gawaing ito ay kusang loob po lamang, wala kaming mga sponsor o mga malalaking kumpanya na ini-rerepresenta kung kaya't kami ay personal na gumagawa ng paraan upang makalikom ng mga kakailanganing mga bagay tulad ng damit, pagkain, tsinelas, gamot, libro, lapis, notebook at kung anu pang maaring maipamahagi nawa'y sa tulong ng Diyos ay makalikom kami ng sapat.

Pagkatapos ng programa ang susunod na araw ay para sa actual na akyat-clean up drive ng grupo sa Mt. Irid na may sidetrip sa Kinabuan Falls. Paniguradong magiging masaya at makabuluhan nanaman ito, excited na nga ako. Makakasalamuha ka ng ibang tao na may parehong hilig mo sa pagakyat at ang tumulong, additional sa listahan nanaman ito ng mga kaibigan.

Ang pagtulong sa kapwa ay isang nobelang gawain na dapat ay bukal sa puso at hindi naghahanap ng anumang kapalit. Wala rin ito sa laki o dami ng tulong na iyong mabibigay subalit sa ngiting nauukit sa labi ng mga taong iyong natutulungan.


Muli maraming salamat sa pagdaan at pagbibighay oras sa pagbabasa. Magandang araw.


P.S. gagawan ko ng sariling blog sa susunod ang TAGOT.


itsmejackie c",)